الحجر الخفاف كلنا بنستخدمه للقدمين وتشقق الكعبين ، ولكن النهاردة هنعرف مع بعض استخدام مختلف ليه ، وهي ازالة الشعر ، الملمس الخشن للحجر الخفاف فعال جدا في التقاط الشعر الخشن وازالته من الجلد ، تابعي معانا السطور الجاية واعرفي طريقة استخدام الحجر الخفاف لازالة الشعر الزائد.
طريقة استخدام الحجر الخفاف لازالة الشعر:
طريقة استخدامه بسيطة جدا ، استخدمي الحجر الخفاف على بشرة نضيفة وجافة في حركات دائرية صغيرة ، الحجر هيلقط الشعر وهيسحبه من البشرة.
بعد عملية ازالة الشعر اتأكدي من ترطيب البشرة ، لان ملمس الحجر الخفاف غير انه بيساعد على ازالة الشعر ، كمان ليه تأثير مقشر وده ممكن يخلي الجلد الجاف ، عشان كده مهم الترطيب بعد الازالة الحجر.
الحجر الخفاف ممكن تستخدميه للايدين والساقين واي مكان في الجسم ، ماعدا الوش.
ازالة الشعر الزائد باستخدام البيض:
لو عايزة عايزة تتخلصي من شعر الوش بوصفة طبيعية ، جربي استخدام البيض ، البيض مش بس مغذي ، ولكن كمان بيحتوي على خصائص جمالية مفيدة.
الحاجات اللي هتحتاجيها:
– 1 بياض بيضة.
– 1 معلقة كبيرة سكر.
– ½ معلقة كبيرة دقيق ذرة.
الطريقة:
1- امزجي كل المكونات مع بعض لحد ما تتجانس كويس ، وعلى بشرة نضيفة وجافة حطي طبقة رقيقة من الخليط.
2- سيبي الخليط على وشك حوالي 15 – 20 دقيقة ، لازم الماسك يعمل طبقة على الجلد ممكن تقشريها.
3- ابدأي قشري الماسك من جوه لبره ، الماسك مش بس هيشيل الشوائب من البشرة ، لكن كمان هيخلصك من شعر الوش الخفيف او الوبري.
4- تقدري تستخدمي الوصفة دي للتخلص من الشعر الزيادة في الوش كله ، او لمنطقة الشنب.
ازالة الشعر الزائد باستخدام معجون البابايا:
لو بتدوري على حل طويل الامد ووصفة طبيعية تخلصك من الشعر الزائد بشكل نهائي ، جربي البابايا.
الدراسات اثبتت ان الانزيم المسمى “بابين” الموجود في البابايا ليه تأثير “مزيل للشعر” ، على الرغم من انه مش بيشيل الشعر بين يوم وليلة ، الا انه مع الاستخدام المنتظم بيقلل من اعادة نمو الشعر مع مرور الوقت ، يعني هيخلصك من الشعر الزائد بشكل نهائي.
الحاجات اللي هتحتاجيها:
– 1 – 2 معلقة كبيرة بابايا مهروسة.
– ½ معلقة صغيرة كركم بودر.
الطريقة:
– امزجي البابايا والكركم ، لحد ما يتكون عندك معجون.
– افركي المعجون على الجلد في حركات دائرية ، ودلكيه كويس عشان يوصل لبصيلات الشعر.
– سيبيه لمدة 15 دقيقة.
– بعدها اشطفيه بالماية.
– كرري الوصفة بانتظام 2 – 3 مرات في الاسبوع ، هتلاحظي مع الوقت ان نمو الشعر بدأ يقل بالتدريج.
– تقدري تستخدمي الوصفة للوش ولاي مكان في الجسم.
طريقة ازالة الشعر من منطقة البكيني بمكون واحد بس من غير الم
عرضنا لكم زوارنا الكرام أهم التفاصيل عن خبر ازالة الشعر بطريقة طبيعية في البيت استخدام الحجر الخفاف على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.
كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.
