صحة

ازاي تستخدمي بذور الكتان لنمو الشعر

نمو الشعر ممكن يبقى بطيء جدا وياخد فترة طويلة ، بالاضافة انك لازم تقصي الشعر كل فترة عشان تحافظي على صحة شعرك ، ولكن الحقيقة ان في علاجات طبيعية ممكن انها تساعد على تسريع نمو الشعر ، بمكونات طبيعية بسيطة في البيت ، وواحد من العلاجات دي هو استخدام بذور الكتان لنمو الشعر ، تعالوا نعرف بالتفصيل من خلال السطور الجايه فوايد بذور الكتان للشعر ، وازاي تستخدميه.

ليه بذور الكتان مفيدة لنمو الشعر؟

1- مصدر كبير لفيتامين E:

فيتامينات E واحد من افضل الفيتامينات اللي ممكن تستخدميها لنمو الشعر بسبب خصائصة القوية المضادة للاكسدة اللي بتمنع تلف الشعر وفروة الراس ، بيساعد على تحسين كفاءة الشعيرات الدموية ، وبيعزز الدورة الدموية ، وفيتامين E مفيد جدا في منع الشيب المبكر.

2- موازنة مستويات الاس الهيدروجيني وانتاج الزيوت:

بذور الكتان بتساعد على توازن مستويات الاس الهيدروجيني وانتاج الزيوت ، ودول عاملين بيأثروا بشكل مباشر على معدل نمو الشعر وصحتة ، بذور الكتان بتساعد على تهدئة فروة الراس ، وتهدئة الغدد الدهنية ، وبالتالي فروة الراس بتنتج الكمية المناسبة من الزيوت لنمو الشعر بشكل صحي.

3- بيغذي الشعر:

بذور الكتان مصدر غني لاحماض اوميجا 3 الدهنية ، والاحماض الدهنية دي ضرورية لنمو الشعر بشكل صحي ، لانها بتغذي بصيلات وخصل الشعر ، وده بيخليها اقوى واقل عرضة للتلف ، وده كمان بيضمن ان الشعر الجديد ينمو قوي وصحي ، واحماض اوميجا 3 الدهنية بتساعد على تحسين مرونة الشعر.

4- بيحافظ على شعرك بحالة جيدة:

بذور الكتان بتساعد على ترطيب الشعر ، وده بيخليه سلس وسهل التعامل معاه والتحكم فيه ، وبيحافظ على حبس الرطوبة جوه الشعر ، والتحكم في مشاكل الشعر زي التكسر, الانقسام, الجفاف, التجعد.

5- بيلطف فروة الراس:

الاستخدام المنتظم لبذور الكتان او حتى اكلها بيمنع مشاكل الشعر زي تساقط الشعر الحاد, اكزيما فروة الراس, والقشرة ، بذور الكتان مصدر غني كبير جدا للالياف القابلة للذوبان والغير قابلة للذوبان ، وبصرف النظر عن استخدامه كعلاج موضعي على الشعر ، اكل البذور نفسها ممكن انه يفيد جدا في نمو الشعر.

بذور الكتان لنمو الشعر

ازاي تستخدمي بذور الكتان لنمو الشعر:

1- زيت بذور الكتان:

الحاجات اللي هتحتاجيها:

2 معلقة كبيرة من زيت بذور الكتان.

الطريقة:

– في بوله صغيرة سخني زيت بذور الكتان لمدة ثواني لحد ما يبقى دافي.

– دلكي فروة الراس بالزيت لمدة 15 دقيقة ، وبعدين دلكيه على باقي الشعر.

– بمجرد ما فروة راسك وشعرك كله يتغطى بالزيت ، لفيه بفوطة سخنة ، ممكن تسخني الفوطة في الفرن, او تبليها بمية سخنة, او تستخدمي السيشوار عليها.

– سيبي الشعر ملفوف بالفوطة لمدة 30 دقيقة.

– اغسلي الشعر بشامبو خفيف خالي من السلفات.

– كرريه من 2 – 3 مرات في الاسبوع.

2- جل بذور الكتان:

الحاجات اللي هتحتاجيها:

– ¼ كوباية من بذور الكتان.

– 2 كوباية مية مفلترة.

– 1 معلقة كبيرة عصير ليمون.

الطريقة:

– في حلة اغلي المية وبذور الكتان مع بعض لحد ما الخليط يبقى سميك ويتقل.

– ضيفي عصير الليمون وقلبي المكونات كلها مع بعض كويس ، ارفعي الخليط من على النار بمجرد ما السائل يوصل لقوام جل ، وسيبيه على جنب يبرد.

– بمجرد ما يبرد احفظي الجل في برطمان للاستخدام.

– استخدمي الجل ده كل يوم الصبح لتصفيف الشعر ، ممكن كمان تستخدميه كعلاج موضعي على فروة الراس لزيادة نمو الشعر.

– استخدميه يوميا.

ازاي تدخلي بذور الكتان في نظامك الغذائي لنمو الشعر:

في حين ان استخدامه كعلاج موضعي مفيد ، ولكن اللي بيدخل جسمك ميقلش اهمية عن اللي بتحطيه على شعرك ، عشان الشعر ينمو بشكل قوي وصحي ، جسمك محتاج للتغذية الجيدة ، هنقولك دلوقتي ازاي تدخلي بذور الكتان في نظامك لنمو الشعر.

1- اكل بذور الكتان خام:

من ابسط الطرق اللي تدخلي بيها بذور الكتان في نظامك الغذائي ، ممكن تاكلي 2 معلقة كبيرة من بذور الكتان كل يوم كوجبة خفيفة.

– ممكن ترشي بذور الكتان على بعض الخضار المقلي.

– وممكن كمان تضيفي معلقة كبيرة من بذور الكتان على طبق السلطة.

2- بذور الكتان المطحونة:

اطحني بذور الكتان لبودرة ناعمة ده هيخليها اسهل انك تدخليها في نظامك الغذائي ، اطحني البذور واحفظيها في برطمان محكم الغلق في التلاجة لاستخدامها في الوصفات.

– ضيفي بذور الكتان المطحونة للشوفان او لاي نوع شوربة.

– ممكن كمان تضيفي مطحون بذور الكتان للعصاير, الكوكيز, المافن, او اللبن.

3- بذور الكتان والزبادي:

دي واحدة من اكتر وجبات بذور الكتان اللذيذة ، هاتي بس علبة زبادي قليلة الدسم, ½ كوباية فراولة متقطعة, ½ كوباية توت, 2 معلقة كبيرة من بذور الكتان المطحونة, 1 معلقة صغيرة قرفة,  امزجي كل المكونات مع بعض كويس وكليها كوجبة خفيفة لذيذة جدا ، وتقدري تضيفي اي فواكة مفضلة عندك.

فوايد مذهلة للشمر للبشرة والشعر والصحة

عرضنا لكم زوارنا أهم وأحدث التفاصيل عن خبر ازاي تستخدمي بذور الكتان لنمو الشعر على دوت الخليج فى هذا المقال ونتمى بأننا قد قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا اول بأول يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.

كما ينبغي علينا بان نذكر لكم بأن محتوى هذا الخبر منشور بالفعل على موقع بنات حوا وربما قد قام فريق التحرير في دوت الخليج بالتاكد منه وربما تم التعديل علية اوالاقتباس منه وربما قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.

قد تقرأ أيضا