مافيش شك ان المشي بانتظام مفيد وليه فوايد صحية ، ومع ذلك واحدة من اجمل تجارب المشي اللي ممكن تعمليها هي المشي حافية على العشب ، ويفضل ان ده يكون الصبح ، والنهاردة من خلال المقال بتاعنا هنشارك معاكم فوايد المشي حافية على العشب.

فوايد المشي حافية على العشب:

1- تقليل التوتر:

المشي حافية على العشب ممكن يبقى ليه تأثير مهديء ويقلل التوتر ، البيئة الطبيعية والاتصال بالارض ممكن تساعد في تقليل مستويات التوتر وتحسين الصحة العقلية بشكل عام.

2- تحسين المزاج:

كتير من الاشخاص اللي عملوا تجربة المشي حافية على العشب ، حسوا بعدها بالسعادة والاسترخاء ، ويعتقد ان الممارسة دي بتساعد على اطلاق الاندروفين ، وهو محسن طبيعي للمزاج.

3- الاتصال بالطبيعة:

المشي حافية على العشب بيوفر فرصة التواصل مع العالم الطبيعي ، وبيعزز الشعور بالوحدة مع الطبيعية ، وده بيكون مرضي روحيا ، وبيصفي الذهن من الضغوطات اليومية.

4- الحفاظ على ضغط الدم والهضم الصحي:

الابحاث بتشير ان الاتصال الجسدي بسطح الارض ممكن يساعد في تنظيم نظامنا العصبي اللااردي وايقاعات الساعة البيولوجية ، وده بيعزز درجة حرارة الجسم الصحية ، وافراز الهرمونات ، والهضم ، وضغط الدم.

5- تقليل الالتهاب:

في دراسة اتعملت على عدد من الاشخاص ، اثبتت ان جلسة واحدة من المشي حافية على العشب لمدة ساعتين ادت لتقليل الالتهاب المرتبط بأمراض القلب والاوعية الدموية والسكر من النوع التاني ، وبعض اشكال السرطان.

6- تعزيز الدورة الدموية:

المشي حافية على العشب بيحفز النهايات العصبية في القدمين ، وده بدوره بيعزز الدورة الدموية بشكل افضل ، وده ممكن يأدي لتحسين تدفق الدم في كل انحاء الجسم.

7- النوم افضل:

المشي حافية على العشب ممكن انه يحسن نوعية نومك ، الاتصال بالكترونات الارض ممكن يساعد في تنظيم ايقاعات الساعة البيولوجية وتحسين نوعية النوم.

8- تخفيف الالم:

الاشخاص اللي بيعانوا من حالات الالم المزمن ممكن يحسوا بالراحة بعد المشي حافيين على العشب ، لانه بيساعد على تقليل الالم والالتهاب وعدم الراحة.